Megjithëse koha këto ditë ka qënë jo e mirë dhe tepër melankolike, falë rreshjeve të shiut, duket se Miriami e ka ruajtur freskinë dhe bukurinë e saj dhe në këto ditë.

Ja çfarë shkruan ajo në profilin e saj të facebook-ut mbi një foto të saj: “Somewhere over the rainbow”.

Ne urojmë që të gjithë të marrin pak nga thjeshtësia dhe ëmbëlsia e Miriamit.

Me një fizik për tu pasur zili, rritjen në performancat e vazhdueshme muzikore dhe famën e madhe që sapo ka nisur në tregun amerikan, ajo do të shkojë edhe më tej duke prekur ëndrrën Hollywood.

Kohët e fundit ka publikuar edhe albumin e saj të parë në Los Angeles. Njihet nga të gjithë si një yll i muzikës shqiptare ku për herë të parë surprizoi publikun me këngën e saj “Adoleshenca” me një këngë që asokohe u bë hit për të gjithë të rinjtë.

Bleona Qerreti rrëfen për “Tirana Observer” planet e saj në kinematografinë botërore sekrete të vogla nga jeta e saj private, si edhe hapat e mëtejshme që do të hedhë në tregun muzikor amerikan.

U bëre e famshme me këngën “Adoleshenca”, si ishte atëherë Bleona dhe si është sot?

Një gjë është shumë e sigurt: Vazhdoj të kem të njëjtin pasion për muzikën njësoj si ditën e parë që kam shkelur në studio…Sigurisht tani kam eksperiencën që në dallim nga më përpara tani gjërat janë më pak të komplikuara duke marrë parasysh që tani e njoh shumë mirë procesin dhe radhën e punës.

Rikthehesh shpesh në Shqipëri, ka Bleona ndonjë motiv të fortë për të bërë muzikë në vendin që e rriti si këngëtare?

Unë momentalisht nuk jam në Shqipëri jam në Los Angelos. Ajo që unë i kam premtuar publikut shqiptar është që pa marrë parasysh sa e madhe është fama ime në botë unë asnjëherë nuk do ta harroj vendin nga kam ardhur dhe dashurinë pa kompromise që fansat më kanë dhënë ndër vite. Sigurisht duke u nisur nga ky këndvështrim atëherë sa herë të më jepet rasti do të vij në Shqipëri. Kohët e fundit unë isha e ftuar atje nga Vera Grabocka për “X Factor” dhe sigurisht me që isha në Tiranë nuk mund të rrija pa kënduar në koncertin e sheshit “Nënë Tereza”.

Jeton momentalisht midis shteteve të Bashkuara dhe Shqipërisë, për të gjithë publikun a ka ndonjë hit të momentit që do vijë nga ty?

Sigurisht, por tani për tani jam duke promovuar albumin në Anglisht kështu që këngët e reja do të jenë në anglisht, ndërkohë që në të ardhmen e afërt sigurisht nuk do lë rastin pa krijuar këngë të reja në shqip. I premtoj publikut shqiptar që shumë shpejt do rikthehem tek ata me një koncert gjigand duke promovuar albumin tim, dhe sigurisht do krijoj me gjithë forcën e shpirtit muzikë të bukur për ta. Këtë gjë ja premtoj publikisht të gjithëve.

Si po ecin planet e tua për të arritur botën e madhe të show bizit botëror, ka ndonjë kontratë me artistë të njohur?

Momentalisht sa kam mbaruar performancën time të parë zyrtare si këngëtare këtu në Amerikë dhe ka pasur një reagim të jashtëzakonshëm nga media këtu. Kështu që tani kemi vërtet shumë oferta dhe unë dhe grupi im i menaxhimit. Nga dita në ditë ne jemi duke bërë takime të ndryshme me të gjitha kompanitë dhe sigurisht do shikojmë kush do të jetë oferta më e përshtatshme për ne.

A ka një dashuri në zemrën e Bleonës momentalisht, apo ajo i përket vetëm publikut shqiptar?

Momentalisht i përket publikut shqiptar, për sa i takon jetës time private tani për tani, është pothuajse inekzistente.

Ke tentuar edhe në aktrim, cilat janë planet e tua për në Hollywood?

Momentalisht jam duke u marrë vetëm me Albumin dhe sigurisht në planet e afërta hyn dhe aktrimi. Patjetër që kam disa plane serioze dhe oferta të kënaqshme për disa role të mira nga regjisorë të mëdhenj, botërorë ky është një nga prioritetet e mia, por momentalisht dua të promovohem në muzikë. Hapat në muzikë dhe në aktrim dua ti hedh një e nga një, pasi unë tashmë jam pjesë e ëndrrës amerikane, dhe do luftoj me çdo mundësi që të jem patjetër një përfaqësuese e denjë e Shqipërisë pse jo e para që do të ecë përkrah aktorëve më të mirë në botë.

A do t’i rikthehesh sërish kompeticioneve shqiptare dhe çfarë mendon për muzikën në vend sa ka përparuar ajo?

Unë nuk kam më kohë të merrem me kompeticionet që zhvillohen në Shqipëri megjithëse dëshira është e madhe, por e them me keqardhje që mundësia është shumë e vogël. Jo vetëm për faktin që jetoj dhe jam e angazhuar plotësisht në çdo minutë të jetës time me planet në Amerikë ku jeta është shumë ndryshe dhe aktive, ku edhe një detaj shumë i vogël siç është ndryshimi i orës nuk të lejon që të ndjekësh çfarë bëhet në Shqipëri. Dhe sigurisht kjo vlen dhe për muzikën e viteve qe fundit, ndaj dua të them që nuk i ndjek artistët që kanë dalë vitet e fundit, dhe në lidhje me këtë nuk kam si të jap një përshtypje. Unë nuk kam asnjë informacion kush janë artistët e rinj që kanë dalë në Shqipëri mbas 2009, por mund të them që patjetër janë ndryshime pozitive që e kanë rritur cilësinë e muzikës.

Një ndër deklaratat e tua të fundit është ajo që ke bërë në lidhje me kryeministrin e vendit, a ka Bleona aspirata edhe në politikë?

Unë dhe doktor Berisha kemi histori më të gjatë. Unë jam rritur me koncertet e vizionit në 1996 dhe sigurisht kujtimet e mira nuk harrohen. Unë kam qenë dhe do të mbetem fansja numër 1 e Doktorit.

Në çfarë dispozitash është martesa jote shumë e përfolur në Amerikë, meqë publiku është shumë kurioz për këtë?

Nuk e kuptoj faktin PSE martesa ime është shumë e përfolur. Gani ka dashur gjithmonë të qëndrojë larg gazetave dhe unë mundohem ta respektoj këtë fakt. Pa marrë parasysh që media nuk e respekton. Dua të dijë gjithë publiku dhe gjithë mediat që Gani është njeriu më i afërt në zemrën time dhe pa marrë parasysh si vjen jeta ai do të ketë gjithmonë një vend special në jetën time. Intervistoi: Arta Agolli

Ndërkaq, së shpejti do të kemi rastin të dëgjojmë një duet që me gjasë do të shndërrohet në hit veror.

Bëhet fjalë për këngëtaren Zanfina Ismajli dhe reperin Noizzy të cilët, kanë bashkuar forcat për të krijuar këngën, ‘Po Sikur’ që pritet të publikohet së shpejti.

Kënga është punuar nga Durim Kiddo dhe Dj Aboom ndërkaq teksti është shkruar nga vetë Noizzy.

Indeksonline merr vesh se ky projekt tashmë është finalizuar dhe shumë shpejt do ta kemi rastin ta dëgjojmë.

Ajo tashmë ka marrë epitetin e femrës me oratori më të madhe në ekranin shqipëtarë, femrës më të bukur, më të shkathtë e më të zgjuar.

Hot, seksi si një sirenë e vërtetë në erën e ngrohtë. Kjo është ajo që ofron Afërdita në këtë fillim vere.

Aktualisht ish e fejuara e këngëtarit shqiptar, Shapt Kasapi, Afërdita ndodhet në Tiranë, ku sërish edhe këtë verë do të jetë imazh i birra Tirana.

Me një pamje të tillë, kush nuk do ta donte një birrë!

Aktualisht duket se ajo po jeton fabulën e këngës se saj “Gangsta”, të paktën lidhur më paraqitjen e jashtme.

Ka disa muaj që ajo ka rruar një pjesë të kokës, ndërsa edhe veshjet që i zgjedh janë më mashkullore dhe ‘’rrebele’’.

Megjithëse, kur bëhet fjalë për mbrëmje , Nora shfaqet plot elegance, në krah të të dashurit të saj, siç ishte rasti gjatë javës së kaluar, në një mbrëmjë gala organizuar ne Prishtine.

Sipas burimeve të gazetës Tribuna, këngëtari i njohur ferizajas kohë më parë është destinuar për të vazhduar shkollimin e lartë, mirëpo ka ngecur pasi që sipas të njëjtit burim, Labi nuk ka përfunduar dy vite të fundit të shkollës së mesme.

“Ka qenë në shkollën tonë për të kërkuar diplomën e shkollës së mesme, por pasi që ai nuk i ka të përfunduara dy vitet e fundit nuk ia kanë dhënë. Madje atë e kanë këshilluar që të vazhdojë edhe dy vjet nga shkolla e mesme e papërfunduar në Kaçanik”, kështu ka theksuar fillimisht burimi për gazetën Tribuna, fakt këtë të cilin pjesërisht e ka pohuar edhe vetë këngëtari.

“Po më ka munguar diploma, pasi që në kohën kur unë duhej të diplomohesha, ka qenë kohë e luftës, dhe nuk kam pasur mundësi ta marr. Më ka mbetur edhe një vit për ta përfunduar shkollimin e mesëm, e pastaj për t’u drejtuar në shkollimin e lartë”, ka thënë Labi fillimisht, duke shtuar se vizioni i tij për të ardhmen është studimi i diplomacisë dhe shkencave politike, që siç thekson, atij do t’i mundësoj që të shërbej në të mirë të shtetit.

Nuk kam asgje me Arbanen dhe besoj qe per momentin eshte ne dyshen me te mire te prezantueseve shqiptare ne televizionet tona, por ikone?

Kete nuk e them dot, me duket e papranueshme dhe ende heret per ta vleresuar te tille. Ne te ardhmen patjeter qe do arrije te ja fitoj vetes kete emer, por sot nuk eshte koha. Adi Krasta, po. Silvana Brace, po (flas per kohen e saj).

Ardit Gjebrea, po. Rudina Magjistari, po. Arbana? Nuk mund ti thuash dot ikone me dy programe te suksesshme (Top Fest,Big Brother). Revista Albaniac \\vipat.info\\

Lajm ky, që në fund rezultoi i rremë. Ka qenë vetë këngëtarja ajo që e ka bërë përgënjeshtrimin përmes profilit të saj privat, i cili deri në atë çast rezultonte i mbyllur, çka i dha dorë medias për të besuar se historia e vdekjes së këngëtares është e vërtetë.

Për të marrë vesh rrethanat në të cilat Elda e mësoi këtë histori dhe përgjigjen e saj për të gjithë ata që aludojnë se këtë ngjarje e ka sajuar vetë ajo, ju ftojmë të lexoni intervistën e mëposhtme.

Elda, emri juaj u kthye dje në qendër të vëmendjes, pas një njoftimi të publikuar në media ku thuhej se ju kishit humbur jetën. Cili ishte reagimi i parë kur morët vesh për këtë lajm?

Në radhë të parë ju falënderoj për këtë intervistë. Është një ide shumë e mirë për të sqaruar një popull të tërë, i cili i ka kaluar në lot ato çaste, duke qarë një njeri të gjallë, për shkak të një gabimi nga mediat.

Lajmin e mora vesh e fundit. Përpara meje, gjithë populli shqiptar në Shqipëri dhe më gjerë në diasporë e kishin marrë këtë lajm nëpërmjet mediave dhe e kishin përjetuar me dhimbje të madhe. Ishin të keqardhur, nga fakti që jam nënë me dy fëmijë, jam e re në moshë, e shumë arsye të tjera. Në orën 2 e gjysmë të mëngjesit të mbrëmshëm, data 10.4 2013, më doli gjumi dhe shkova në tualet për nevojat personale. Ndërsa jam kthyer në krevat, kam parë rastësisht celularin për të mësuar sa ishte ora. Aty shoh një numër të madh mesazhesh, si kurrë ndonjëherë.

Kush jua tha?

Lexova të parin mesazhin e vëllait tim, pasi është njeriu më i afërt i familjes. Teksti ishte: “O motra ime, a je gjallë? Nëse po, na merr menjëherë në celular.” Për një moment u tremba, mendova se mamit i kishte ndodhur diçka, pasi ka probleme me zemrën… I mora direkt në telefon dhe sapo unë thashë “alo”, pra sapo më dëgjuan zërin, ia nisën me brohoritje. Aq shumë bërtitën, sa unë u tremba. I pyeta, çka ngjarë dhe mami që qante nga ankthi dhe gëzimi, këtë herë më tha: “Moj mam, shyqyr që qenke gjallë, se të kanë nxjerrë në media që ke vdekur.

E ka marr vesh e gjithë Shqipëria. Njerëzit po pyesin e po qajnë.” U shtanga dhe m’u ndal fryma. I tregova që “jam mirë, mos u bëni merak”, dhe i thashë të lajmërojnë në televizion që s’është e vërtetë. Mami më tha: “Hape ‘Facebook’-un dhe tregoju njerëzve”, dhe unë atë bëra, derisa binda disa. Dua të falënderoj shumë miken time më të mirë, Luzen e Portokallisë bashkë me shoqen time të dashur, Luçin, që kishin vajtur në shtëpinë e mamasë sime dhe i ishin gjendur pranë në ato momente ankthi. Kjo dhimbje depërtoi edhe tek babai im, i cili jeton në Gjermani dhe mori rrugën për tek unë në Zvicër. Për këtë më tregoi mami, sepse nuk dija gjë. E mora babin në mes të natës në celular, që të mos merakosej. Përjetova një dhimbje të madhe.

Jam e shokuar! S’mund të besoj që mediat tona, pa e pasur të sigurt, pa një letër zyrtare, apo pa fjalën e familjarëve të mi, shkruajtën këtë lajm tronditës.

Ju, keni pasur probleme shëndetësore? U fol se kishit kaluar një atak…

Jo, nuk kam pasur asnjë problem shëndetësor. Është një gënjeshtër e shëmtuar, ku pa turp kanë shkruar në lajmin e rremë, që kam vdekur për shkak të mbidozës së drogës dhe kur më paskan bërë autopsinë në spitalin e Zvicrës, kanë konfirmuar që kam vdekur prej saj. Por në realitet ja ku jam…

Kush mendoni se e ka nxjerrë këtë lajm për ju?

Mund të ketë qenë ndonjë djalë i dehur që e ka shpallur këtë lajm në “Facebook”, ose ndoshta ndonjë i ri tjetër, por kjo nuk është e drejtë, sepse nuk mund të publikohet thashethemi i një të mituri apo të alkoolizuari në media.
Mediat duhet të bëjnë kujdes me figurën e artistëve. Disa media mendojnë se unë jam kukulla e tyre, që mund të më portretizojnë si të duan. Por jo, gabohen! Unë jam kukulla e fëmijëve të mi dhe portretizohem vetëm nga ata. Nuk lejoj askënd të shëmtojë personalitetin tim, sidomos në këtë moshë të pjekur.

Shumë njerëz po ju përflasin tani sikur e keni sajuar vetë këtë lajm…
Ata që mendojnë se e paskam sajuar vetë këtë lajm, po më duken të njëjtë me ata që kanë derdhur nëpër shkrime këtë rast të shëmtuar. Akoma fantazia i çon larg disa njerëz pa logjikë. Do ishte shumë e rëndë për mua, t’i krijoja dhimbje nënës sime, babit, vëllait, motrave, pa qenë e nevojshme. Di të them që, edhe sikur të supozojmë se e kam nxjerrë vetë këtë lajm, si munden mediat të pranojnë një lajm të tillë pa pasur asnjë bazë?

Këtu është bërë një shpifje, është folur për vdekje dhe jo shaka. Nejse, unë nuk ua fal mediave. Ato janë shkaku i këtij lajmi të ekzagjeruar në publik. Personat të cilët e kanë bërë këtë shkrim, do përballen me mua në gjyq.

Po atëherë, pse i kishit mbyllur “Facebook”-un dhe celularin?
Sa i përket celularit, nuk e kam pasur të mbyllur. Nuk e mbyll asnjëherë, por ka qenë pa zile, pasi unë fle herët me fëmijët e mi ngaqë duhet të ngrihemi herët në mëngjes. Bëj gati çdo mëngjes fëmijët për në shkollë e kopsht dhe hamë mëngjesin bashkë… Kurse “Facebook”-un shumë herë e mbyll kur jam e zënë me punë, ose kur nuk e shoh të arsyeshme. E bëj shpesh këtë, pasi unë studioj “Biblën” dhe shumë herë koncentrohem në studime ose lexime.

Çfarë ju kanë thënë kolegët dhe familjarët?
Sa u përket kolegëve dhe familjarëve, e përmenda dhe pak më parë, me shumë dhimbje më kanë ngushëlluar me orë të tëra, nga ora 2 e gjysmë e natës, e vazhdojnë të më marrin në telefon dhe të më shkruajnë në “Facebook”. Jam ndjerë shumë keq me dhimbjen e tyre. Më kanë telefonuar me mijëra fansa duke qarë në telefon apo “Facebook”… Është e tmerrshme çfarë po përjetoj.

Të gjithë më thonë: “Shyqyr që je gjallë. Duam të të dëgjojmë zërin, të lutem na fol”. Kushërinjtë e mi qajnë akoma dhe tani që e dinë që jam gjallë, janë të emocionuar nga ky lajm i shpifur. Jam pa gjumë dy ditë sot, për arsye se jam e detyruar të shkruaj dhe të pres telefonatat e popullit, të them se kështu u bë kjo punë. Jam ‘non stop’ duke i qetësuar, ndërkohë që edhe vetë po e vuaj këtë gjë.

Nuk mund të rri e qetë, për faktin se vëllai im sapo e ka marrë vesh, e ka vuajtur tmerrësisht, aq sa brenda një nate ka rënë disa kile prej marazit. Nuk mund ta duroj këtë gjë. Motra në Amerikë, Enki, sapo ka lindur dhe është e shokuar. D.m.th., ky njeri që e ka nxjerrë këtë lajm, më ka rënduar të gjithë fisin, miqtë dhe një popull, pasi ne shqiptarët jemi një popull i ndjeshëm dhe e kemi të vështirë t’i suportojmë këto raste.

Prej sa kohësh jetoni në Zvicër dhe me çfarë po merreni atje?
Unë kam 10 vjet në Zvicër. Jetoj me fëmijët e mi dhe kam një jetë të rregullt familjare dhe të planifikuar ashtu mirë. Unë punoj çdo paradite në një zyrë, tek një firmë shumë e njohur zvicerane. Kam një punë të mirë. Në kohën e lirë planifikoj ndonjë koncert, ku unë këndoj për spektatorin shqiptar.\\vipat.info\\

Eraldo Rexho Gazeta Shqiptare

Prej 1 viti e gjysmë ajo nuk ka pranuar të japë asnjë prononcim në media, derisa emri i saj përmendet për një konflikt me Gentën e “BB6”, për të dashurin e saj.

Bertina në këtë intervistë sqaron gjithçka, ndërsa flet për herë të parë për historinë e saj të dashurisë së krijuar në “BB” pasi ajo mori fund, karrierën, dhe si i sheh ajo lojtarët e “BB6”:

Prej kohësh ke qenë e pranishme në faqet e shtypit nëpërmjet shkrimeve për jetën tënde private, apo dhe për stilin e jetës. Vetë nuk je prononcuar asnjëherë, po mund të na thuash se si po shkon jeta jote këto kohë?
Jeta po shkon nën rrjedhën e normalitetit të saj, përkushtuar punës dhe karrierës, shoqërisë dhe familjes, argëtimit, udhëtimeve kur më jepet mundësia në kohën e lirë, palestrës, hobi që tashmë më është kthyer edhe në virus etj. Me pak fjalë jetë e qetë dhe normale, por që ndonjëherë edhe me prezencë mediash dhe vëmendje publike, të cilën nuk e kam pëlqyer dhe që shpesh preferoj t’i jap privatësisë time botëkuptimin që meriton, sepse në fund të fundit kjo pjesë ndaj quhet “private”, pasi na takon vetem ne të ballafaqohemi me të dhe si të tillë e konsideroj të shenjtë. Kjo ka qenë dhe arsyeja pse kam munguar gati për 1 vit e gjysmë në prononcime të ndryshme.

Shumë është folur e aluduar për lidhjet e tua. Ti vetë ç’mund të na thuash?
Shpesh aludohet, shpesh pyetet, shpesh përflitet, por tashmë këto janë bërë pjesë e të përditshmes dhe diçka krejt normale. Të qenët person publik e ka këtë pjesë në çdo moment dhe çdo hap të jetës, për aq kohë sa figura jote shfaq interes dhe ngacmon kuriozitet në publik. Prandaj tashmë e kam kuptuar funksionimin e kësaj dukurie dhe madje kam fituar imunitet ndaj saj, thjesht u jap rëndësi gjërave që kanë vlerë dhe ato çka i japin tamam kuptim jetës sime. E në këtë kontekst, do të thosha që “aludimet” le të mbeten aludime, pikëpyetjet le t’u shërbejnë kureshtarëve. E rëndësishme është që jeta ime po shkon më së miri dhe në atë drejtim, ku vërtet vite më parë kam dashur ta shoh.

Gjatë kësaj periudhe ke njohur njerëz të rinj dhe më shumë ke krijuar miqësi apo je zhgënjyer?
Sikurse e përmenda, “privatësia” mbetet e shenjtë për mua, edhe pse kohët e fundit po aludohet shumë mbi këtë pjesë. Pak ditë më parë është folur sërish për privatësinë time, por nuk do kisha shumë fjalë mbi këtë temë, pasi do më vinte turp të komentoja mbi tema banale dhe pa kurrfarë morali. Jam shumë koshiente që në Shqiperi dhe, për fat të keq, edhe në rrethin tim, fabula “Dhelpra dhe rrushtë” është bërë tashmë si motoja e së përditshmes. Por në një rast të tillë disa “pula qorre” që mendojnë se janë “dhelpra” në këtë mes, e transformojnë këtë fabul në barsoletë kaq komike. Ndërsa në thelbin e pyetjes do të thosha që nuk ka vend për zhgënjim kur përfaqëson spontanen dhe të ndërgjegjshmen.

U shkrua në një gazetat për një miqësi të krijuar me të dashurin e Gentës së “BB”. Si është e vërteta?
Po, kështu pretendohet në atë shkrim, që unë jam shoqe e Gentës së “BB” dhe që kemi dalë bashkë e që unë paskam ngelur për të dashurit e sa j(qesh). Për më tepër që as jemi takuar ndonjëherë deri më sot. Më sipër e sqarova këndvështrimin tim për këto aludime rreth meje.

Ndihesh e zhgënjyer nga dashuria dhe a e ke kuptuar strategjinë se si mund të funksionojë një lidhje?
Në dashuri jam ndier gjithmonë e plotësuar, edhe pse shpesh nuk mund ta parashikojmë të nesërmen, apo të pretendosh se do të luash lojën e jetës. Dhe në këtë rast të dashurisë, sikurse të jetë një lojë shahu, ku ti çdo lëvizje e ke të monitoruar dhe të llogaritur. Jeta serviret dhe, si rrjedhojë, duhet të jetohet me të mirat dhe problemet e veta, të cilat na rrisin e përmirësojnë. Në dashuri nuk ka kompromis, prandaj ajo e mbart bukurinë e saj kur ti e jeton ashtu siç të vjen! Unë lidhjen time prej “Big Brother” e fitova si një rastësi, e jetova si një realitet dhe e pranova si një mësim që m’u dha… Ndodh që gjërat edhe të mos funksionojnë jashtë dëshirës sonë të mirë. Sot kam një paqe të vërtetë me veten time dhe kjo mjafton. Nëse mbreti rast e cakton një princ të kaltër, do e prisja me një buzëqeshje. Panorama